A glitch abstract digital painting from the artist's House of Mirrors Collection
A Red, Red Rose
I.
        O, my luve's like a red, red rose,
            That's newly sprung in June:
        O, my luve's like the melodie,
            That's sweetly play'd in tune.
II.
        As fair art thou, my bonnie lass,
            So deep in luve am I:
        And I will luve thee still, my dear,
            'Till a' the seas gang dry.
III.
        'Till a' the seas gang dry, my dear,
            And the rocks melt wi' the sun:
        I will luve thee still, my dear,
            While the sands o' life shall run.
IV.
        And fare thee weel, my only luve!
            And fare thee weel a-while!
        And I will come again, my luve,
            Tho' it were ten thousand mile.
— Robert Burns
